Qozog‘iston adliya vaziri Azamat Yeskarayev mamlakat sobiq prezidenti Nursulton Nazarboyevda qanday imtiyozlar saqlanib qolinganini aytdi. Bu haqda Nur.kz xabar berdi.
Vazirdan Nazarboyevni barcha qonunlardan “chiqarib tashlash” jarayoni tugallangan deb hisoblash mumkinmi va sobiq prezident qanday imtiyozlarga ega ekani so‘ralgan.
“Men hech qanday sabab ko‘rmayapman. Yanvar oyida qabul qilingan qonundan kelib chiqqan holda, bu odatiy qonunchilik jarayoni bo‘lib, ayrim pozitsiyalarda bu davom etdi.
Imtiyozlarga kelsak, prezident to‘g‘risidagi konstitutsiyaviy qonunimizda sobiq prezidentga tegishli kafolatlar berilgan. Unda uy-joy va transport bilan ta’minlash uchun kafolatlar mavjud. Bu qonunda aniq qayd etilgan”, — deb javob berdi vazir.
Yanvar oyida parlament ““Qozog‘iston respublikasining birinchi prezidenti to‘g‘risida‘gi konstitutsiyaviy qonunni o‘z kuchini yo‘qotgan deb topish to‘g‘risida’”gi qonunni qabul qildi. Hujjat Nazarboyevni qator imtiyozlardan, jumladan, Elboshi maqomidan mahrum qildi. Keyinchalik u Nazarboyev universiteti, Nazarboyev intellektual maktablari va Nazarboyev jamg‘armasi kabi o‘z sharafiga nomlangan ta’lim tashkilotlarining oliy vasiylik kengashi rahbari maqomini yo‘qotdi.
Nazarboyev hali ham qanday imtiyozlarga ega?
Qozog‘iston Konstitutsiyasi mamlakatning sobiq prezidentlariga pensiya, kvartira, davlat dachasi, shaxsiy avtomobil, mamlakat bo‘ylab bepul sayohat qilish, tibbiy yordam va sanatoriy-kurortda davolanishni kafolatlaydi. Asosiy qonunda “sobiq prezident prezident sifatidagi vakolatlarini amalga oshirish bilan bog‘liq harakatlar uchun javobgarlikka tortilishi mumkin emas, davlatga xiyonat qilish hollari bundan mustasno”, deyiladi.
Izoh (0)