Остонадаги Миллий мудофаа университети ҳудудидаги биринчи президент Нурсултон Назарбоевга 2020 йилда 80 ёшга тўлиши муносабати билан ўрнатилган ёдгорлик демонтаж қилинди. Бу ҳақда Tengrinews хабар берди.
Миллий мудофаа университети ёдгорлик ҳақиқатан ҳам олиб ташланганини ва ҳозирда омборда эканини тасдиқлади. Мазкур маълумотни шахсан текширишнинг иложи бўлмаган, чунки журналист университет ҳудудига киритилмаган.
Мудофаа вазирлиги эса Нурсултон Назарбоев ёдгорлиги музейга кўчирилишини маълум қилган. Жумладан, у Қозоғистон Қуролли кучлари давлат ҳарбий тарихи музейи биносига ўрнатилади. Айни пайтда ёдгорлик мудофаа бўлими биноларидан бирида вақтинчалик сақланаётгани айтилмоқда.
Изоҳ (0)