Ijtimoiy tarmoqlarda metro poyezdi ikki bekat oralig‘ida to‘xtab qolgani aks etgan video tarqaldi. “Toshkent metropoliteni” holat yuzasidan izoh berdi.
Maʼlum qilinishicha, 11-yanvar soat 14:55 lar atrofida “Minor” bekatidan harakatlanishi lozim bo‘lgan harakat tarkibining vagonlariga yo‘lovchilarning kirish va chiqish vaqtlari meyoridan ortib (1 daqiqa) ketgan. Bu esa ushbu harakat tarkibining bekatdan belgilangan vaqtdan kechroq harakatlanishiga sabab bo‘lgan. Oqibatda, ortdan kelayotgan 69-sonli harakat tarkibi belgilangan yo‘riqnomaga asosan “Minor” bekatining kirish svetoforining taqiqlovchi signalida 2 daqiqa davomida to‘xtab turgan.
Oldindagi harakat tarkibi bekatni tark etganidan so‘ng, svetoforning ruxsat beruvchi ko‘rsatkichi yongan va 69-sonli harakat tarkibi harakatni davom ettirgan.
Izoh (0)