O‘zbekistonda 10-yanvar kuni metan zapravkalarda rejadagiga nisbatan 103 foiz ko‘p tabiiy gaz sotilgani ma’lum bo‘ldi.
Bu haqda AOKAda o‘tkazilgan brifingda Energetika vazirligi axborot xizmati rahbari Hasan Toshxo‘jayev ma’lum qildi. Shuningdek, kecha, 10-yanvar kuni “O‘zbekneftgaz” aksiyadorlik jamiyati tomonidan mamlakatdagi barcha avtomobillarga yonilg‘i quyish shoxobchalariga 3 ming 117 tonna avtobenzin yetkazib berildi.
Birja savdolariga avtomobillarga yonilg‘i quyish shoxobchalarida sotish uchun 3 ming 160 tonna avtobenzin, 1 ming 830 tonna dizel yonilg‘isi qo‘yilgan bo‘lib, undan 2 ming 576 tonna avtobenzin hamda 162 tonna dizel yonilg‘isi sotildi.
10-yanvar kuni respublika elektr energiyasi iste’moli 226,5 million kVt/soatni, tabiiy gaz iste’moli esa 152,9 mln kubometrni tashkil qildi.
Izoh (0)