Zulfiya mukofoti sovrindori Ayjamal Joldasbayeva-Janibekova vafot etdi. Bu haqda Oila va xotin-qizlar qo‘mitasi xabar berdi.
Ayjamal O‘zbekiston davlat jahon tillari universiteti hamda O‘zbekiston jurnalistika va ommaviy kommunikatsiyalar universitetini tamomlagan. 2014-yilda adabiyot yo‘nalishi bo‘yicha Zulfiya nomidagi davlat mukofoti bilan taqdirlangan.
“Oila va xotin-qizlar qo‘mitasi jamoatchi, faol hamda tashabbuskor yosh olimaning bevaqt vafoti munosabati bilan yaqinlariga chuqur hamdardlik bildiradi”, — deyiladi xabarda.
Shuningdek, marhumaning yaqinlari unda homiladorlik davri og‘ir kechganini bildirgan. Ma’lum muddat o‘lik homila bilan yurgan, bola olinganidan keyin uning ahvoli og‘irlashib, dastlab Taxtako‘pir tumanidagi kasalxonaga yetkazilgan. Komaga tushib qolgach, 3 kun avval Nukus shahridagi tez yordam shifoxonalaridan biriga olib borilgan va o‘sha yerda vafot etgan. Uning 2 yoshga to‘lmagan o‘g‘il farzandi bor.
Izoh (0)