O‘tgan yil davomida Ukraina armiyasi 215 mingdan ortiq odam va 28 mingta qurolidan ayrildi, dedi Rossiya mudofaa vaziri Sergey Shoygu yig‘ilishda.
“O‘tgan yil davomida dushman yo‘qotishlari 215 ming kishidan va 28 ming birlik quroldan oshdi. Biz butun jangovar aloqa chizig‘i bo‘ylab strategik tashabbusni saqlab turibmiz”, — dedi u.
Dekabr oyi o‘rtalarida Shoygu jangovar harakatlar boshlangandan beri Ukraina tomonidan 383 ming kishi halok bo‘lgani va yaralanganini maʼlum qilgandi. Unga ko‘ra, iyun oyida qarshi hujum boshlanganidan beri Ukraina bo‘linmalari 159 ming kishidan ayrilgan.
“Harbiy texnikadagi yo‘qotishlarga kelsak, iyun oyidan beri Ukraina Qurolli kuchlari 766 ta tank (jumladan, 37 ta “Leopard”), 2 300 dan ortiq boshqa zirhli texnikasini (jumladan, 50 ta Bradley piyoda jangovar mashinasi) yo‘qotdi”, — dedi vazir.
Mudofaa vazirligi Rossiya armiyasining yo‘qotishlari haqida oxirgi marta 2022-yil sentyabrida xabar bergandi. O‘sha vaqtda 5 937 kishi halok bo‘lgani aytilgan. 2023-yil 6-iyun kuni Shoygu Ukraina hujumi boshlanganidan beri so‘nggi uch kun ichida Ukraina Qurolli kuchlarining Rossiya tomonidan uyushtirilgan hujumlarini qaytarish chog‘ida 71 nafar harbiy xizmatchi halok bo‘lgani, yana 210 nafari yaralanganini aytdi.
O‘sha oyning o‘rtalarida Rossiya prezidenti Vladimir Putin Ukraina Qurolli kuchlarining yo‘qotishlari halokatli darajada ekani va “Rossiya Ukrainaga qaraganda o‘n baravar kam odamidan ayrilganini” aytdi.
Izoh (0)