Yaponiyada ketma-ket zilzilalardan so‘ng halok bo‘lganlar soni 161 kishiga yetdi, yana kamida 565 kishi jiddiy jarohat oldi, deb xabar bermoqda NHK telekanali. Avval 126 kishining o‘limi ma’lum edi.
Telekanal maʼlumotlariga ko‘ra, Vadzima va Suzu shaharlarida 70 kishi, Anamizuda 11 kishi, Nanaoda besh kishi halok bo‘lgan, Noto va Sigada ikkitadan, Xakui shahrida esa bitta o‘lim qayd etilgan.
Bundan tashqari, tabiiy ofat epimarkazi bo‘lgan Isikava prefekturasi maʼmuriyati hozir qayerdaligi nomaʼlum bo‘lgan 103 kishining ismini eʼlon qildi.
Eslatib o‘tamiz, 1-yanvar kuni Yaponiyaning shimoli-g‘arbiy qismida bir qator zilzilalar sodir bo‘ldi. Kuchli silkinishlar oqibatida o‘nlab uylar qulab tushgan, odamlar vayronalar ostida qolib ketgan.
Vadzimada 200 ga yaqin bino vayron bo‘lgan, shahardagi 10 mingga yaqin uy suvdan, 7,8 mingga yaqin xonadon esa elektr taʼminotidan uzilgan. Isikavaning boshqa shaharlaridagi uylar ham elektr va suvsiz qolmoqda.
Izoh (0)