Японияда кетма-кет зилзилалардан сўнг ҳалок бўлганлар сони 161 кишига етди, яна камида 565 киши жиддий жароҳат олди, деб хабар бермоқда NHK телеканали. Аввал 126 кишининг ўлими маълум эди.
Телеканал маълумотларига кўра, Вадзима ва Сузу шаҳарларида 70 киши, Анамизуда 11 киши, Нанаода беш киши ҳалок бўлган, Ното ва Сигада иккитадан, Хакуи шаҳрида эса битта ўлим қайд этилган.
Бундан ташқари, табиий офат эпимаркази бўлган Исикава префектураси маъмурияти ҳозир қаердалиги номаълум бўлган 103 кишининг исмини эълон қилди.
Эслатиб ўтамиз, 1 январь куни Япониянинг шимоли-ғарбий қисмида бир қатор зилзилалар содир бўлди. Кучли силкинишлар оқибатида ўнлаб уйлар қулаб тушган, одамлар вайроналар остида қолиб кетган.
Вадзимада 200 га яқин бино вайрон бўлган, шаҳардаги 10 мингга яқин уй сувдан, 7,8 мингга яқин хонадон эса электр таъминотидан узилган. Исикаванинг бошқа шаҳарларидаги уйлар ҳам электр ва сувсиз қолмоқда.
Изоҳ (0)