Shotlandiya Ukrainadan kelgan qochqinlarni turar-joy to‘lovlari bilan ta’minlashdan voz kechmoqchi

Shotlandiya ukrainalik qochqinlarni turar joy uchun to‘lanadigan qisqa muddatli nafaqadan mahrum qilmoqchi, deb yozadi Daily Record gazetasi.

“Shotlandiya hukumati Rojdestvodan bir necha kun oldin mahalliy hukumat vakillariga ukrainalik qochqinlarning joylashishiga yordam berish uchun mablag‘ ajratish davom etmasligini ma’lum qildi, ”— deb ta’kidladi nashr.

O‘tgan yili mahalliy hukumat qochoqlar uchun qisqa muddatli uy-joy xarajatlarini qoplashga o‘n million funt sterling olgandi. Shotlandiya rahbariyati byudjet bilan bog‘liq muammolardan kelib chiqib, moliyalashtirish davom etmasligini ma’lum qilmoqda.

Mahalliy hukumat vakillari, o‘z navbatida, ukrainalik qochqinlar joylashtirilgan mehmonxonalarni  moliyaviy qo‘llab-quvvatlashni to‘xtatishga to‘g‘ri kelishi mumkinligini allaqachon qayd etgan.