Farg‘ona va Samarqand viloyatlarida aksiz markasiz tamaki mahsulotlarini muomalaga kiritilishining oldi olindi, deb xabar beradi Bosh prokuratura huzuridagi departament.
Qayd etilishicha, departamentning Qo‘qon shahar bo‘limi tomonidan DXX va IIB xodimlari bilan hamkorlikda tezkor tadbir o‘tkazildi. Tadbirda fuqarolar I.K., M.K. va boshqalar “Sunbula” MFY hududidagi ikkita xonadonda aksiz markasiz tamaki mahsulotlarini saqlash uchun “yama” tashkil etib, umumiy bahosi 720 million so‘mlik 25 xil turdagi jami 52 970 quti xorijiy davlatlarda ishlab chiqarilgan tamaki mahsulotlarini o‘tkazish maqsadida saqlab kelgani aniqlanib, ushbu tamaki mahsulotlari ashyoviy dalil sifatida olingan.
Shu kabi, departamentning Tayloq tuman bo‘limi tomonidan Bojxona va IIB xodimlari bilan hamkorlikda o‘tkazilgan tezkor tadbirda SH.S. va D.T. ismli shaxslar xorijda ishlab chiqarilgan 2 000 quti Esse Change nomli aksiz markasiz tamaki mahsulotini fuqaro G.K.ga 3 660 dollarga sotgan vaqtida ushlanib, tadbir yakunida Sh.S.ning xonadonidan sotish maqsadida saqlab kelingan jami 2 410 quti tamaki mahsuloti ashyoviy dalil sifatida olingan.
Mazkur holatlar yuzasidan Jinoyat kodeksining 25, 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
- Namanganda may oyida viloyat hududiga noqonuniy olib kirilgan qariyb 200 million so‘mlik tamaki mahsulotlari yoqib yuborilgandi.
- Shuningdek, Toshkent va Farg‘onada aksiz markasiz tamaki va alkogol mahsulotlari savdosi to‘xtatib qolingani,
- Namangan viloyatida o‘tkazilgan tezkor tadbirda aksiz markasiz tamaki mahsulotlari muomalaga kiritilishining oldi olingani to‘g‘risida xabar berilgandi.
Izoh (0)