Buxoro va Andijon viloyatlarida aksiz markasiz tamaki mahsulotlari muomalaga kiritilishining oldi olindi, deb xabar beradi Bosh prokuratura huzuridagi departament.
Qayd etilishicha, Buxoro viloyat boshqarmasi tomonidan DXX, Bojxona va Milliy gvardiya xodimlari hamkorligida tezkor tadbir o‘tkazilgan. Tadbirda G‘ijduvon tumanidagi “Sarmijon” yo‘l-patrul xizmati maskanida fuqaro M.T.ning boshqaruvidagi Isuzu rusumli yuk avtotransport vositasi to‘xtatilib, ko‘zdan kechirilgan. Tekshiruv davomida umumiy bahosi 225 million so‘mlik 15 ming quti Milano hamda 1 000 quti Esse Change nomli aksiz markasiz tamaki mahsulotlari o‘tkazish maqsadida olib kelingani aniqlanib, ushbu mahsulotlar ashyoviy dalil sifatida olingan.
Shu kabi, departamentning Andijon shahar bo‘limi tomonidan Soliq inspeksiyasi xodimlari bilan hamkorlikda o‘tkazilgan tezkor tadbirda fuqaro R.A. “Mustaqillik” MFY hududida joylashgan savdo do‘konida 22 xil turdagi jami 3 111 quti aksiz markasiz tamaki mahsulotlarini sotuvga qo‘ygani aniqlanib, ushbu mahsulotlar ashyoviy dalil sifatida olingan.
Mazkur holatlar yuzasidan Jinoyat kodeksining 25, 186-1-moddasi (Etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
- Namanganda may oyida viloyat hududiga noqonuniy olib kirilgan qariyb 200 million so‘mlik tamaki mahsulotlari yoqib yuborilgandi.
- Shuningdek, Toshkent va Farg‘onada aksiz markasiz tamaki va alkogol mahsulotlari savdosi to‘xtatib qolingani,
- Namangan viloyatida o‘tkazilgan tezkor tadbirda aksiz markasiz tamaki mahsulotlari muomalaga kiritilishining oldi olingani to‘g‘risida xabar berilgandi.
Izoh (0)