Тошкент шаҳар божхона бошқармасининг “Арк булоқ” божхона постида навбатдаги ҳуқуқбузарлик ҳолатига чек қўйилди, деб хабар беради божхона бошқармаси матбуот хизмати.
Қайд этилишича, тақдим этилган божхона юк декларацияси асосида қизил йўлакка йўналтирилган. Хориждан келтирилган юк ҳужжатларида 9,6 минг дона “кўп маротаба қўлланиладиган никотинсиз электрон тамаки маҳсулотлари” дея кўрсатилган товарларнинг божхона кўриги давомида товар қадоғидаги товар таркиби тўғрисидаги маълумотлар ўрганилганида, никотинли электрон тамаки маҳсулотлари экани маълум бўлган.
Шунингдек, кўрик давомида юк ҳужжатларида кўрсатилганидан ортиқча бўлган 390 дона электрон тамаки маҳсулотлари борлиги аниқланган.
Ушбу ҳолатда товарларнинг ТИФ ТН кодлари нотўғри таснифланиши натижасида давлат бюджетига 280 миллион сўмлик божхона тўловларининг ундирилмай қолинишининг олди олинган ва қиймати 1,3 миллиард сўмлик 9,9 минг дона электрон тамаки маҳсулотлари вақтинча сақловга олинган.
Ҳозирда мазкур ҳолат юзасидан суриштирув ҳаракатлари олиб борилмоқда.
- Аввалроқ Хоразмда 422 миллион сўмлик акциз маркасиз тамаки маҳсулотлари аниқлангани,
- Навоий ва Бухорода 600 млн сўмлик қалбаки акциз маркали алкогол маҳсулотлари савдосининг олди олингани тўғрисида хабар берилганди.
Изоҳ (0)