Andijon viloyati Xonobod shahrida Spark haydovchisi xizmat vazifasini olib borayotgan YPX xodimini urib yubordi. Bu haqda Bosh prokuratura matbuot kotibi Hayot Shamsutdinov ma’lum qildi.
Tez harakatlanib borgan Spark boshqaruvni yo‘qotib, to‘xtab turgan mashina va uning yonida bo‘lgan YPX xodimi hamda haydovchini urib yuborgan. Qayd etilishicha, xizmat vazifasini o‘tab kelayotgan IIB Yo‘l harakati xavfsizligi guruhi xodimi hamda boshqa haydovchi tan jarohatlari olgan.
Holat yuzasidan Jinoyat kodeksining 266-moddasi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
“Gumonlanuvchi shaxs protsessual tartibda ushlangan. Tergov harakatlari olib borilmoqda”, — deyiladi xabarda.
Avvalroq Surxondaryoda 16 yoshli bola Gentra ni Milliy gvardiya xodimi ustiga haydagani, YPXga tegishli Volkswagen Caddy va Lacetti ishtirokida yo‘l-transport hodisasi sodir bo‘lgani to‘g‘risida xabar berilgandi.
Izoh (0)