Farg‘ona viloyati IIB Farg‘ona—Chimyon avtomobil yo‘lida sodir bo‘lgan yo‘l-transport hodisasi yuzasidan ma’lumot berdi.
Qayd etilishicha, 3-yanvar kuni soat 19:40 larda 4P-146 avtomobil yo‘lining Farg‘ona tumani “Yangiobod” MFY hududidan o‘tgan qismida Nexia-3 rusumli avtomashina ikkinchi darajali yo‘ldan asosiy yo‘lga shoshilib chiqishi natijasida asosiy yo‘lda harakatlanib kelayotgan Tracker rusumli avtomashinaga urilib, YTH sodir etgan.
Oqibatda Nexia-3 avtomobilida bo‘lgan ikki nafar yo‘lovchi tan jarohati olib, voqea joyida vafot etgan. Yana uch nafar yo‘lovchilar shifoxonaga yotqizilgan.
Mazkur holat yuzasidan Jinoyat kodeksining 266-moddasi (Transport vositalari harakati yoki ulardan foydalanish xavfsizligi qoidalarini buzish) 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, Surxondaryo viloyati Jarqo‘rg‘on tumanida noyabr oyida sodir bo‘lgan ikkita yo‘l-transport hodisasi oqibatida to‘rt kishi halok bo‘lgandi.
Izoh (0)