Андижон вилояти Хонобод шаҳрида Spark ҳайдовчиси хизмат вазифасини олиб бораётган ЙПХ ходимини уриб юборди. Бу ҳақда Бош прокуратура матбуот котиби Ҳаёт Шамсутдинов маълум қилди.
Тез ҳаракатланиб борган Spark бошқарувни йўқотиб, тўхтаб турган машина ва унинг ёнида бўлган ЙПХ ходими ҳамда ҳайдовчини уриб юборган. Қайд этилишича, хизмат вазифасини ўтаб келаётган ИИБ Йўл ҳаракати хавфсизлиги гуруҳи ходими ҳамда бошқа ҳайдовчи тан жароҳатлари олган.
Ҳолат юзасидан Жиноят кодексининг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
“Гумонланувчи шахс процессуал тартибда ушланган. Тергов ҳаракатлари олиб борилмоқда”, — дейилади хабарда.
Аввалроқ Сурхондарёда 16 ёшли бола Gentra ни Миллий гвардия ходими устига ҳайдагани, ЙПХга тегишли Volkswagen Caddy ва Lacetti иштирокида йўл-транспорт ҳодисаси содир бўлгани тўғрисида хабар берилганди.
Изоҳ (0)