Yaponiyada 1-yanvar kuni sodir bo‘lgan kuchli zilzila oqibatida kamida 24 kishi halok bo‘ldi. Bu haqda mamlakatning Kyodo agentligi xabar berdi.
Ma’lum qilinishicha, yana kamida 50 kishi turli darajadagi jarohatlar olgan.
Zilzila yuz bergan Isikava prefekturasida qiyin vaziyat kuzatilmoqda. Yer silkinishi oqibatida 200 dan ortiq uy yonib ketgan, 100 dan ortiq turar-joy binosi qulagan, vayronalar ostida odamlar bo‘lishi mumkin. Voqea joyida qutqaruvchilar va o‘t o‘chiruvchilar ishlamoqda.
1-yanvar kuni Yaponiya g‘arbidagi Isikava prefekturasida besh daqiqadan kamroq vaqt oralig‘ida ikkita kuchli zilzila sodir bo‘lgandi. 5,7 magnitudali birinchi silkinishlar mahalliy vaqt bilan 16:06 da (Toshkent vaqti bilan 12:06) qayd etilgan. Keyingi kuchliroq 7,4 magnitudali silkinish 16:10 (Moskva vaqti bilan 12:10) da sodir bo‘lgan. Yer qimirlashi Osaka va Kioto, shuningdek, Tokioda ham sezilgan.
Mamlakatda 2011-yildan beri birinchi marta “katta sunami” xavfi e’lon qilindi, ammo keyinroq bekor qilindi. Yaponiyalik seysmologlar yaqin 2-3 kun ichida 7 magnitudadan yuqori kuchli zilzilalar takrorlanishi mumkinligidan ogohlantirdi.
Izoh (0)