Filippinda 2-dekabr kuni so‘nggi bir necha soat ichida ketma-ket 22 ta zilzila sodir bo‘ldi.
Seysmologlarning xabar berishicha, ularning magnitudasi 5 dan 7,7 birlikkacha baholanmoqda. Yevropa-O‘rta Yer dengizi seysmologiya markazi ma’lumotlariga ko‘ra, so‘nggi zilzila episentri Bislig shahridan 55 km shimoli-sharqda joylashgan – uning aholisi 67,5 ming kishiga yaqin. Manba 64 km chuqurlikda ekanligi taxmin qilinmoqda.
Filippinning Phivolcs seysmologiya agentligi sunami ehtimoli borligidan ogohlantirdi. Amerikaning sunami haqida ogohlantirish tizimiga ko‘ra, to‘lqin balandligi uch metrdan oshishi mumkin. Filippin vulqonologiya va seysmologiya instituti janubiy qirg‘oq aholisini zudlik bilan evakuatsiya qilishga chaqirdi. Zarar va qurbonlar haqida aniq ma’lumotlar yo‘q.
Izoh (0)