Toshkent viloyatining Bo‘stonliq tumanidagi Chimyon tog‘laridagi dam olish maskanlariga avtomobillar harakati 10-yanvarga qadar bir tomonlama tashkil etiladi. Bu haqda IIV YHXX xabar berdi.
Bir tomonlama harakat 4R12 Toshkent—Chorvoq va 4R6 Toshkent—Chirchiq—Chimyon (G‘azalkentdan keyin, Amirsoy, “Chimyon” va “Bildirsoy” dam olish maskanlariga olib boruvchi) kesishmasidan 4R6 va 4R10 yo‘llari kesishmasigacha (Yusufxona) tashkil etilgan.
Shu bilan birga, 4R10 yo‘li bo‘ylab Chorvoq suv ombori yonidagi dam olish maskanlaridan Yusufxona chorrahasiga qaytish mumkin.
“Bayram kunlari tirbandlik yuzaga kelmasligi uchun Bo‘stonliq tumani hokimi tomonidan qaror qabul qilindi. Yo‘llarda tegishli belgilar o‘rnatildi”, — deyiladi xabarda.
IIV YHXX tomonidan 1-yanvar kuni e’lon qilingan videolardan ko‘rish mumkinki, viloyatdagi dam olish maskanlariga eltuvchi yo‘llarda biroz tirbandlik yuzaga kelgan va YPX xodimlari ularni bartaraf etish, tartibni saqlash bo‘yicha ish olib borishmoqda.
Izoh (0)