Toshkent viloyati Bo‘stonliq tumani tog‘li Chimyon qishlog‘ining bir necha hududlarida bodom gulladi. Bu haqda “O‘zgidromet” xodimi Albert Popov o‘zining Facebook’dagi sahifasi orqali ma’lum qildi.
![](/static/2023/Fozilbek/408285849_3617875175139178_3943365126061009335_n.jpg)
Chimyon qishlog‘i Toshkent viloyatining dengiz sathidan 1700 metrgacha balandlikda joylashgan hududidir. Popovning bildirishicha, noyabr oyi Chimyon kuzatuv punktida g‘ayritabiiy issiq kechgan. “Keyingi yil endi bu bodomdan hosil kutmasa ham bo‘laveradi”, — deb yozadi u.
“O‘rtacha oylik havo harorati +7,5 daraja iliq kuzatilgan. Kuzatuvlar davrida o‘tmish noyabr oylari bu qadar yuqori issiqlikni taqdim etmagan” — deya qo‘shimcha qilgan Popov.
![](/static/2023/Fozilbek/408251310_3617875235139172_7442493947881081827_n.jpg)
Noyabr oxirlarida Bo‘stonliq tumani Oqtosh massivida bodom gullagan edi. “O‘zgidromet”ga ko‘ra, O‘zbekistonda 2023-yilning noyabri kuzatuvlar tarixidagi eng issig‘i bo‘ldi. Barcha hududlarda harorat o‘rtacha iqlimiy me’yordan 3-6 daraja yuqoriroq bo‘lgan.
Izoh (0)