“Real” Karlo Anchelotti bilan amaldagi shartnomani uzaytirdi.
Madridliklar 64 yoshli mutaxassis bilan bitimni 2026-yil 30-iyunga qadar uzaytirdi.
Eslatib o‘tamiz, Anchelotti 2021-yildan buyon “qaymoqranglilar” bosh murabbiyi sifatida faoliyat olib bormoqda. Undan oldin esa 2013-yildan 2015-yilga qadar ham “Real” ustozi sifatida ishlagan edi. Italiyalik mutaxassis qo‘l ostida jamoa 10 ta sovrin qo‘lga kiritgan. Ispaniya chempionligi, Ispaniya Kubogi (2 marta), Ispaniya Superkubogi, Chempionlar Ligasi (2 marta), UEFA Superkubogi, klublar o‘rtasidagi jahon chempionati (2 marta) shular jumlasidan.
Tajribali murabbiy faoliyati davomida “Everton”, “Parma”, “Yuventus”, “Milan”, “Chelsi”, “PSJ”, “Bavariya”, va “Napoli” kabi jamoalarni boshqargan.
Izoh (0)