Futbol bo‘yicha Klublar o‘rtasidagi Jahon chempionati yarim finalida “Manchester Siti” 19-dekabr, seshanba kuni “Urava Red Daymonds” bilan bahs olib bordi.
Birinchi bo‘lim so‘ngida yaponiyaliklar futbolchisi Marius Hoybroten o‘z darvozasini ishg‘ol qildi.
Ikkinchi bo‘limning boshida “shaharliklar” hisobni ishonchi ko‘rinishga olib keldi. 52-daqiqada Mateo Kovachich darvozani aniq nishonga oldi. Oradan 7 daqiqa o‘tib, Bernardu Silva o‘yindagi uchinchi golga mualliflik qildi.
Qolgan daqiqalarda darvozalar daxlsizligi saqlanib qoldi va Pep Gvardiola shogirdlari 3:0 hisobida g‘alaba qozonib, finalga yo‘l oldi.
Ikkinchi yarim finalda “Fluminense” “Al-Ahli”ni 2:0 hisobida taslim etgandi.
Shu tariqa “Manchester Siti” va “Fluminense” klublar o‘rtasida jahon chempioni bo‘lish uchun kurash olib boradi.
Klublar o‘rtasidagi JCH
Yarim final
19-dekabr, seshanba
“Urava Red” (Yaponiya) — “Manchester Siti” (Angliya) 0:3
Gollar: 0:1 – 45 Hoybroten (avtogol), 0:2 – 52 Kovachich, 0:3 – 59 Bernardu Silva.
“Urava Red Daymonds”: Nikikava, Hoybroten, Shols, Akimoto, Ivao (Sibato, 78), Koizumi (Nakazima, 64), Ito (Ogivara, 57), Okubo (Sxalk, 57), Yasui, Sekine, Kante (Linssen, 64).
“Manchester Siti”: Ederson, Uoker, Ake, Akanji (Gvardiol, 65), Foden (Alvares, 65), Stounz (Serxio Gomes, 77), Grilish, Kovachich, Rodri (Fillips, 77), Bernardu Silva (Bobb, 64), Mateush Nunesh.
Ogohlantirishlar: Akanji (24), Mateush Nunesh (83).
Izoh (0)