Futbol bo‘yicha Klublar o‘rtasidagi Jahon chempionati 2-bosqichidan o‘rin olgan o‘yinlar 15-dekabr, juma kuni bo‘lib o‘tdi.
Birinchi bosqichda “Oklend Siti”ni mag‘lub etgan “Al-Ittihod” ushbu turda Misrning “Al-Ahli” klubiga qarshi bahs olib bordi. Uchrashuvning 21-daqiqasida Maalul penaltidan hisobni ochdi. Birinchi bo‘lim Misr klubi foydasiga hal bo‘ldi.
Ikkinchi bo‘limda “Al-Ahli” yana bir bor darvozani ishg‘ol qildi. 59-daqiqada Husayn el-Shahar o‘z hisobiga gol yozdirib qo‘ydi. Oradan 3 daqiqa o‘tib, Ashur hisobni yirik ko‘rinishga olib keldi. Uchrashuv so‘ngida esa “Al-Ittihod” safida Karim Benzema gol urib, javob qaytarishga muvaffaq bo‘ldi. Yakuniy hisob 3:1 — “Al-Ahli” foydasiga.
Chorak finalning yana bir o‘yinida “Urava Red Daymonds” Meksikaning “Leon” klubini 1:0 hisobida taslim etdi.
Shu tariqa klublar o‘rtasidagi Jahon Chempionatining yarim final ishtirokchilari aniq bo‘ldi. “Al-Ahli” “Fluminense”ga qarshi bahs olib borsa, “Urava Red Daymonds” esa “Manchester Siti” to‘sig‘idan o‘tadi.
Klublar o‘rtasidagi JCH
1/4 final
15-dekabr, juma
“Al-Ahli” (Misr) — “Al-Ittihod” (Saudiya Arabistoni) 3:1
Gollar: 1:0 – 21 Maalul (penalti), 2:0 – 59 el-Shahat, 3:0 – 62 Ashur, 3:1 – 90 Benzema.
“Leon” (Meksika) — “Urava Red Daymonds” (Yaponiya) 0:1
Gol: 0:1 – 78 Sxalk.
Izoh (0)