Xalq deputatlari Namangan shahar kengashining navbatdan tashqari sessiyasi bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.
Foto: Namangan viloyat hokimligi axborot xizmati
Sessiyada tashkiliy masala ko‘rildi.
Namangan shahar hokimi vazifasida ishlab kelgan G‘ofur Jamolov boshqa ishga o‘tganligi munosabati bilan lavozimidan ozod etildi.
Deputatlarga Namangan shahar hokimi lavozimiga Anvarjon Otaxo‘jayev nomzodi tavsiya etildi. Ular nomzodni qo‘llab-quvvatladi.
Anvarjon Otaxo‘jayev 1972-yili Namangan shahrida tug‘ilgan bo‘lib, Namangan muhandislik-iqtisodiyot instituti hamda Prezident huzuridagi davlat va jamiyat qurilishi akademiyasini tamomlagan.
Mehnat faoliyatini 1994-yildan boshlagan. O‘tgan vaqt davomida Namangan viloyat statistika, mehnat, Savdo-sanoat palatasi hududiy boshqarmalari, viloyat hokimligi, Vazirlar Mahkamasi, O‘zbekiston oziq-ovqat xolding kompaniyasi, “O‘zparrandasanoat” uyushmasi va Olmaliq kon-metallurgiya kombinatida turli masʼul vazifalarda faoliyat yuritgan.
Anvarjon Otaxo‘jayev 2019-yildan hozirgi kunga qadar Chortoq tumani hokimi lavozimida ishlab kelayotgandi.
Avvalroq Andijonning Paxtaobod tumaniga yangi hokim tayinlangandi
Izoh (0)