96 kun orqama-ketin davom etgan 1.5 darajadan yuqori haroratli kunlardan so‘ng, 11-dekabrga kelib, sayyorada o‘rtacha sutkali havo harorati sanoatgacha bo‘lgan davrga nisbatan 1.5 darajadan pastga “sho‘ng‘igan”. Bu haqda iqlimshunos olim Erkin Ablulahatov maʼlum qildi.
“Parij” iqlim bitimi majburiyatlarida dunyo mamlakatlari atmosferaga turli chiqindi gazlari chiqartirishni kamaytirish hisobiga sayyoradagi o‘rtacha yillik havo haroratini 1.5 darajadan yuqori ko‘tarilib ketishining oldini olish bo‘yicha turli shartlarga amal qilishi kerakligi keltiriladi.
Agarda, sayyorada yillik havo haroratining sanoatgacha bo‘lgan davrga nisbatan 1.5 darajaga isishi kuzatilsa Yer iqlimida sezilarli o‘zgarishlar, turli iqlim bo‘hronlari (davomli issiq, kuchli yog‘inlar, qurg‘oqchilik va hk) chastotasi ortib ketishi aytiladi, — dedi iqlimshunos.
Grafikka yaxshilab eʼtibor bering, so‘nggi 100 kunlik sayyorada so‘nggi 100-yillikning biror bir kunida shu kunlar uchun bo‘lmagan issiq kunlarni taqdim etgan.
Avvalroq olim dunyo bo‘yicha hozirgi havo harorati o‘tgan asrdagidan issiqroq va kelgusida bundanda yuqori harorat kuzatilishi kutilayotgani haqida aytib o‘tgan edi.
Izoh (0)