Namanganda er-xotin va ularning ikki qizi is gazidan zaharlanib, vafot etdi. Bu haqda “Daryo”ga Bosh prokuratura axborot xizmati rahbari Hayot Shamsutdinov maʼlum qildi.
Foto: Oqilxon Mamajanov
Hodisa joriy yil 16-dekabrga o‘tar kechasi Yangi Namangan tumani, “Beruniy” mahallasida ro‘y bergan. 1975 va 1982-yillarda tug‘ilgan er-xotin hamda ularning 2004 va 2009-yillarda tug‘ilgan ikki qizi xonadon oshxonasidagi gaz plita orqali rezina shlang ulangan pechkadan tabiiy gaz isi chiqishi oqibatida zaharlanib, vafot etgan.
Dastlabki maʼlumotda ushbu oila aʼzolarining o‘limi is gazidan organizmning umumiy zaharlanishi oqibatida yuzaga kelganligi ko‘rsatilgan.
Ularning o‘lim sabablarini aniqlash maqsadida sud-tibbiy va boshqa turdagi tegishli ekspertizalar tayinlangan.
Hozirda holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)