Халқ депутатлари Наманган шаҳар кенгашининг навбатдан ташқари сессияси бўлиб ўтди. Бу ҳақда “Дарё” мухбири Азизбек Абдувалиев хабар бермоқда.
Фото: Наманган вилоят ҳокимлиги ахборот хизмати
Сессияда ташкилий масала кўрилди.
Наманган шаҳар ҳокими вазифасида ишлаб келган Ғофур Жамолов бошқа ишга ўтганлиги муносабати билан лавозимидан озод этилди.
Депутатларга Наманган шаҳар ҳокими лавозимига Анваржон Отахўжаев номзоди тавсия этилди. Улар номзодни қўллаб-қувватлади.
Анваржон Отахўжаев 1972 йили Наманган шаҳрида туғилган бўлиб, Наманган муҳандислик-иқтисодиёт институти ҳамда Президент ҳузуридаги давлат ва жамият қурилиши академиясини тамомлаган.
Меҳнат фаолиятини 1994 йилдан бошлаган. Ўтган вақт давомида Наманган вилоят статистика, меҳнат, Савдо-саноат палатаси ҳудудий бошқармалари, вилоят ҳокимлиги, Вазирлар Маҳкамаси, Ўзбекистон озиқ-овқат холдинг компанияси, “Ўзпаррандасаноат” уюшмаси ва Олмалиқ кон-металлургия комбинатида турли масъул вазифаларда фаолият юритган.
Анваржон Отахўжаев 2019 йилдан ҳозирги кунга қадар Чортоқ тумани ҳокими лавозимида ишлаб келаётганди.
Аввалроқ Андижоннинг Пахтаобод туманига янги ҳоким тайинланганди
Изоҳ (0)