Qatar poytaxti Dohada 11-dekabr kuni O‘zbekiston elchixonasi ochildi. Bu haqda TIV rahbari Baxtiyor Saidov xabar berdi.
“Mamlakatlarimiz rahbarlari sa’y-harakatlari natijasida ikki tomonlama munosabatlarimiz misli ko‘rilmagan darajada rivojlanmoqda. Joriy yil may oyida Toshkentda Qatar Davlati diplomatik vakolatxonasi faoliyati yo‘lga qo‘yilgan edi. Shubhasiz, ushbu elchixonalar aloqalarimizni yanada mustahkamlashga xizmat qiladi”, — dedi vazir.
Shu yilning may oyida Toshkentda Qatar elchixonasi ochilgandi. Siyosatshunos Kamoliddin Rabbimov O‘zbekiston mustaqil bo‘lganidan buyon birinchi marta Qatarning O‘zbekistonda elchixona ochib, Toshkentga elchi yuborishi ijobiy hodisa ekanini aytgandi.
Izoh (0)