Uzbekistan Airports O‘zbekiston xalqaro aeroportlarida qoldirilgan parvozlar bo‘yicha ma’lumot berdi.
Ma’lum qilinishicha, Uzbekistan Airways aviakompaniyasining HY9829 (Namangan—Yekaterenburg) reysining uchishi Toshkent vaqti bilan soat 14:00 ga qoldirilgan. Shuningdek, Uzbekistan Airways aviakompaniyasining HY9807 (Namangan—Nijnevartovsk) reysining uchishi Toshkent vaqti bilan soat 22:30 ga qoldirilgan.
Bundan tashqari, Flynas aviakompaniyasining XY699 (Jidda—O‘sh) reysi manzil aeroportdagi noqulay ob-havo sharoiti tufayli Toshkentdagi muqobil aerodromga qo‘nishni amalga oshirgan.
Panorama Airways aviakompaniyasining 5P361 (Toshkent—Madina) reysining uchishi texnik sabablarga ko‘ra Toshkent vaqti bilan soat 14:00 ga qoldirilgan.
Avvalroq Quyuq tuman sababli O‘zbekistondagi ayrim aeroportlar faoliyati cheklangani to‘g‘risida xabar berilgandi. Xususan, Irkutsk—Farg‘ona yo‘nalishi bo‘yicha reysni amalga oshirayotgan S7 Airlines samolyoti noqulay ob-havo sharoiti tufayli Namangan aeroportidagi muqobil aerodromga qo‘ngan.
Izoh (0)