Toshkent shahrida Respublikaning boshqa hududlari singari o‘tkazilayotgan “Dolzarb 40 kunlik” maxsus profilaktik tadbirlari doirasida yana 5 kishi qamoqqa olindi.
Poytaxt IIBB matbuot xizmati bergan xabarga ko‘ra, tadbir davomida o‘tkazilgan tergov-tezkor harakatlar davomida jinoyat sodir etganlikda gumonlanib quyidagi shaxslar ushlandi:
- 1993-yilda tug‘ilgan O‘rinov Umidjon Baxtiyor o‘g‘li (Jinoyat kodeksi 277-moddasi 2-qismi, bir guruh shaxslar tomonidan bezorilik);
- 1995-yilda tug‘ilgan Begmatov Asadullo Xolmat o‘g‘li (Jinoyat kodeksi 277-moddasi 2-qismi, bir guruh shaxslar tomonidan bezorilik).
- 1987-yilda tug‘ilgan Sobirjonov Xasan Abdusamatovich (Jinoyat kodeksi 277-moddasi 3-qismi, bezorilik);
- 1987- yilda tug‘ilgan Sobirjonov Xusan Abdusamatovich (Jinoyat kodeksi 277-moddasi 3-qismi, bezorilik).
- 1990-yilda tug‘ilgan Jalilov Xasan Nazarovich (jinoyat kodeksi 277-moddasi 2-qismi, bir guruh shaxslar tomonidan bezorilik).
Gumon qilinuvchilarga nisbatan qamoqqa olish ehtiyot chorasi tanlangan. Tergov davom etmoqda.
“Agar Siz ushbu shaxslardan jabr ko‘rgan bo‘lsangiz yoki ushbu shaxslarning jinoiy xatti-harakatlari bo‘yicha ma’lumotlarga ega bo‘lsangiz, Toshkent shahar IIBBning 71-206-45-69, 71-206-49-46 yoki 102 raqamlariga yoxud 99-370-73-94 telegram raqamiga murojaat qilishingizni so‘raymiz”, — deyiladi xabarda.
Toshkent shahrida “Saidaziz medgorodok”, “Baxti Tashkentskiy” laqabi bilan tanilgan shaxslar va yana uch kishi qo‘lga olingandi. Shundan so‘ng yana 10 kishi juda ko‘p miqdorda tovlamachilikda ayblanib ushlandi, 6-dekabr kuni yana 10 kishi qo‘lga olingani xabar qilindi.
Izoh (0)