Namangan viloyatida juda ko‘p miqdordagi etil spirtini noqonuniy muomalaga kiritgan korxonalar aniqlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Maʼlum qilinishicha, holat Bosh prokuratura huzuridagi departamentning Namangan viloyat boshqarmasi tomonidan o‘tkazilgan tergovga qadar tekshiruvlarda aniqlangan. “E.L.”, “G.Y.” va “E.M.” MCHJ rahbarlari antiseptik mahsulotini ishlab chiqarish maqsadida birja savdolari orqali jami 102,7 milliard so‘mlik 4 025 tonna etil spirtini xarid qilib, amalda antiseptik mahsulotlarini ishlab chiqarmasdan etil spirtini boshqa shaxslarga sotib yuborgan.
Shu kabi “A.F.” MCHJ rahbari A.A. birja savdolari orqali xarid qilingan 34,8 milliard so‘mlik 1 263 tonna etil spirtidan antiseptik mahsuloti ishlab chiqarmasdan, etil spirtini boshqa shaxslarga sotib yuborgani, shuningdek ushbu mablag‘lar hisobidan Lacetti xarid qilgani aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)