Panorama Airways aviakompaniyasining Toshkent—Madina yo‘nalishi bo‘yicha parvozi texnik sabablarga ko‘ra kechiktirildi. Bu haqda Uzbekistan Airports axborot xizmati xabar berdi.
Ma’lum qilinishicha, Panorama Airways mahalliy aviakompaniyasining Toshkent—Madina yo‘nalishi bo‘yicha 5P361 reysi poytaxt aeroportida havo kemasida rejadan tashqari texnik ishlar olib borilgani sababli 4 soatdan ortiq kechiktirildi.
Aviakompaniya yo‘lovchilarni ichimlik va issiq ovqat bilan ta’minladi, shuningdek, yo‘lovchilarni mehmonxonaga joylashtirish taklif qilingan. Parvoz jadvaliga kiritilgan o‘zgartirishlar to‘g‘risidagi batafsil ma’lumotlar aviatashuvchi tomonidan taqdim etiladi.
Izoh (0)