“Toshshahartransxizmat” avtobuslari bir kunda milliondan ziyod yo‘lovchiga xizmat ko‘rsatdi. 1 millioninchi bo‘lib elektron to‘lovni amalga oshirgan yo‘lovchi kutilmagan tarzda taqdirlandi.
Xabarga ko‘ra, 14-noyabr kuni “Toshshahartransxizmat” AJning avtobus va elektrobuslarida 1 milliondan ortiq yo‘lovchi harakatlangan. Yo‘lovchilar ichida millioninchi bo‘lib elektron to‘lovni amalga oshirgan yo‘lovchi Abdumo‘min Jo‘raqulov kutilmagan tarzda taqdirlandi.
Ushbu omadli 1 millioninchi yo‘lovchi uchun “Toshshahartransxizmat” AJ tomonidan diplom hamda kompyuter, shuningdek, ATTO kompaniyasi tomonidan esa jamoat transportida bepul harakatlanish imkoniyatini beruvchi 1 yillik cheklanmagan tarif sovg‘a tariqasida topshirildi.
Izoh (0)