“Тошшаҳартрансхизмат” автобуслари бир кунда миллиондан зиёд йўловчига хизмат кўрсатди. 1 миллионинчи бўлиб электрон тўловни амалга оширган йўловчи кутилмаган тарзда тақдирланди.
Хабарга кўра, 14 ноябрь куни “Тошшаҳартрансхизмат” АЖнинг автобус ва электробусларида 1 миллиондан ортиқ йўловчи ҳаракатланган. Йўловчилар ичида миллионинчи бўлиб электрон тўловни амалга оширган йўловчи Абдумўмин Жўрақулов кутилмаган тарзда тақдирланди.
Ушбу омадли 1 миллионинчи йўловчи учун “Тошшаҳартрансхизмат” АЖ томонидан диплом ҳамда компьютер, шунингдек, АТТО компанияси томонидан эса жамоат транспортида бепул ҳаракатланиш имкониятини берувчи 1 йиллик чекланмаган тариф совға тариқасида топширилди.
Изоҳ (0)