O‘zbekistonda soliq huquqbuzarligi haqida xabar berganlarga 10 oyda qancha mukofot puli berilgani ma’lum qilindi

O‘zbekistonda soliq huquqbuzarliklari haqida murojaatlar 10 oyda 100 mingdan oshdi.

Soliq qo‘mitasining “Fiskal tahlillar” Telegram kanalida ma’lum qilinishicha, yanvar—oktyabr oylarida “Soliq” mobil ilovasining “Soliq hamkor” tizimi orqali soliq huquqbuzarliklari haqida kelib tushgan 102 089 ta murojaat kelib tushgan

Shundan:

• 94 765 tasi xarid cheki bermaslik;
• 4 020 tasi to‘lovni plastik karta orqali qabul qilmaslik;
• 200 tasi plastik karta uchun xarid summasini oshirish;
• 3 104 tasi boshqa turdagi huquqbuzarlik holatlari bo‘yicha.

Murojaatlarning 56 756 tasi takroriy bo‘lgani yoki shikoyat kelib tushgan tadbirkorlik subyektida tekshiruv davom etayotgani sababli qaytarilgan. Murojaatlar asosida 40 833 ta sayyor soliq tekshiruvi o‘tkazilib, 99,4 foiz holatda huquqbuzarlik tasdiqlangan.

Huquqbuzarlik holatlari bo‘yicha xabar bergan fuqarolarga 2023-yilda 40 685 ta holat bo‘yicha (undirilgan jarima summasidan 20 foizi) 33,5 milliard so‘m mukofot to‘langan.