Toshkent shahrining Olmazor tumani hokimligidagi majlisda yiqilib tushgan mahalla raisi vafot etgani xabar berilgandi. Bosh prokuratura axborot xizmati rahbari Hayot Shamsutdinovning “Daryo”ga ma’lumot berishicha, holat yuzasidan tuman prokuraturasi tomonidan tergovga qadar tekshiruv ishlari boshlangan.
Joriy yilning 24-noyabr kuni soat taxminan 11:30 larda Olmazor tumani hokimligi majlislar zalida “Yangi Sebzor” MFY raisi 1958-yilda tug‘ilgan Murodbekov Shavkat Mahmudovich vafot etgan. Mazkur holat yuzasidan Olmazor tumani prokuraturasi tomonidan tergovga qadar tekshiruv harakatlari olib borilmoqda, — deydi Hayot Shamsutdinov.
Majlisda vafot etgan rais voqeasi haqida “Daryo”ga xabar bergan manba hokimiyat mas’ullarining 40 kundan beri davom etayotgan majlisbozligi bir inson o‘limiga sababchi bo‘lganini bildirgandi.
Bu majlisbozlik qachon tugaydi? Har kun bir soatlab ko‘chada sovuqda turyapmiz, — degandi u.
Izoh (0)