Farg‘ona viloyatining Qo‘qon shahrida er-xotin is gazidan zaharlanib vafot etdi. Bosh prokuratura “Daryo”ga bu bo‘yicha maʼlumotlarni ochiqladi.

Maʼlum qilinishicha, 21-noyabr kuni Qo‘qon shahar “Amirqulmergan” MFY Navbahor ko‘chasi raqamsiz uyda yashagan 1972-yilda tug‘ilgan fuqaro S.K. va uning turmush o‘rtog‘i 1974-yilda tug‘ilgan X.K.lar yashash xonadonining yotoqxonasida is gazidan zaharlanib vafot etgan.

Shifoxona tomonidan taqdim etilgan dastlabki xulosada fuqarolarning o‘limiga is gazidan o‘tkir zaharlanish sabab bo‘lgani ko‘rsatilgan.

Hozirda marhumlarning o‘limi yuzasidan sud-tibbiy ekspertizasi tayinlangan. Mazkur holat yuzasidan tergovga kadar tekshirish harakatlari olib borilmoqda.