Andijon viloyati hokimligi matbuot xizmatlarining oylik maoshlari to‘lanmayotgani aytilgan xabarlarga munosabat bildirdi.
Ijtimoiy tarmoqlarda Andijon viloyati va tumanlardagi matbuot xodimlarining oylik maoshi to‘lanmayotgani aytilgan xabar tarqaldi.
“Bu xabar o‘z-o‘zidan matbuot xizmatlariga oid qabul qilinadi. Ammo viloyat hokimligi matbuot xizmatida bunday holat mavjud emas. Har bir xodim uchun maoshlar o‘z vaqtida to‘lanmoqda. Shuningdek, hozirda shahar va tumanlardagi hech bir matbuot xizmati tomonidan bu masalada muammo borligi aytilmagan. Mavjud masalalarning yechimiga o‘z vaqtida yondashilmoqda”, — deyiladi munosabatda.
Viloyat hokimligi mazkur xabar matbuot sohasining boshqa bir qismiga tegishli bo‘lishi mumkinligini taxmin qilgan. Agarda manzil yoki tizim aniq maʼlum qilinsa, viloyat hokimligi mazkur masala yechimiga tegishli tartibda ko‘maklashishga tayyorligini bildirgan.
Avvalroq budjet xodimlariga sentyabr oyining 2-yarmi uchun jami 4,7 trillion so‘mlik ish haqi va unga tenglashtirilgan to‘lovlar to‘lab berilgani xabar qilingandi. Avgustda esa bu miqdor 5 trillion so‘mni tashkil etgan.
Izoh (0)