Xorazm viloyatida ish vaqtida halok bo‘lgan xodimning oilasiga zarar puli 12 yildan so‘ng undirib berildi. Bu haqda Kambag‘allikni qisqartirish va bandlik vazirligi axborot xizmati xabar berdi.
Unga ko‘ra, ish joyidagi baxtsiz hodisa sabab Xorazm viloyatidagi bir oila boquvchisiz qolgan. Korxona tomonidan hodisa qurboni bo‘lgan xodimining oilasiga to‘lab berilishi kerak bo‘lgan zarar pullari 12 yil davomida turli bahonalar bilan paysalga solinib to‘lanmay kelingan.
Xorazm viloyati Kambag‘allikni qisqartirish va bandlik bosh boshqarmasi Davlat mehnat nazorati inspeksiyasi sa’y-harakati bilan Oliy sudda haqiqat qaror topadi. Marhumning oila a’zolariga 146 million so‘mlik kompensatsiya pullari undirib berildi.
Ma’lumot uchun, korxona va tashkilotlarda mehnat xavfsizligiga rioya qilish, bu borada to‘g‘ri targ‘ibot-tashviqot ishlarini yo‘lga qo‘yish nafaqat xodim salomatligini kafolatlaydi, balki ish beruvchini ham ma’muriy va jinoiy javobgar bo‘lishdan muhofazalaydi.
Izoh (0)