“O‘zgidromet” kuchli yomg‘ir yog‘ishi, sel-suv toshqini xavfidan ogohlantirdi

“O‘zgidromet” haftaning birinchi yarmida kuchli yomg‘ir yog‘ishi, sel-suv toshqini xavfidan ogohlantirdi.

Ma’lum qilinishicha, 21—23-noyabr kunlari O‘zbekiston hududiga nam va sovuq havo massalari kirib kelishi kutilmoqda.

21-noyabr kunlari Qoraqalpog‘iston Respublikasida, Xorazm, Buxoro, Navoiy viloyatlarida, 22-noyabrda respublikaning katta qismida, 23-noyabrda Farg‘ona vodiysi viloyatlarida yomg‘ir yog‘adi.

22-noyabrda Toshkent, Samarqand, Jizzax, Sirdaryo, Qashqadaryo viloyatlarida, 23-noyabrda Farg‘ona vodiysi viloyatlarida baʼzi joylarda kuchli yomg‘ir yog‘adi. 22—23-noyabrda respublikaning tog‘li hududlarida yog‘ingarchilik (yomg‘ir, qor), baʼzi joylarda kuchli bo‘ladi.

Respublika bo‘yicha baʼzi joylarda shamol tezligi15-20 metr/sekundgacha kuchayishi kutilmoqda, 22-25 metr/sekundgacha kuchayishi mumkin, ayrim joylarda chang-to‘zonlar bilan kuzatiladi.

Havo harorati kunduz kunlari 10-15 darajagacha, kechalari 3-6 daraja iliqqacha pasayadi, shimolda 1-3 daraja sovuqqacha bo‘lishi mumkin.

22—23-noyabrda respublikaning tog‘oldi va tog‘li hududlarida sel-suv toshqin hodisalari yuzaga kelishi mumkin.