Ispaniyada yangi hukumat qasamyod qabul qildi

Ispaniya yangi hukumati qasamyod qabul qildi. Bu haqida RTVE telekanali ma’lum qildi.

Ispaniya bosh vaziri Pedro Sanches 12 nafar ayol va 10 nafar erkakdan iborat 22 vazirdan iborat koalitsion hukumat tuzdi. Bosh vazir o‘rinbosarlari sifatida iqtisodiyot, savdo va biznes vaziri Nadiya Kalvino, mehnat va ijtimoiy iqtisodiyot vaziri Yolanda Dias va atrof-muhit va demografiya vaziri Tereza Rodriges, moliya va fuqarolik xizmati vaziri Mariya Montero qo‘shildi.

Xose Manuel Albares Ispaniya tashqi ishlar vaziri, Fernando Grande-Marlaska ichki ishlar vaziri, Margarita Robles esa mudofaa vaziri sifatida qoldi. 

Bundan tashqari, Bosh vazir departamenti, Adliya vazirligi va Parlament bilan aloqalar vazirligi funksiyalarini birlashtirgan “super vazirlik” vujudga keldi. Feliks Bolanos “super vazirlik” rahbari bo‘ldi.

Ispaniya sotsialistik ishchilar partiyasi vakili Pilar Alegria hukumat matbuot kotibi etib tayinlandi. Shuningdek, u ta’lim, tayyorlash va sport vaziri lavozimida ham ishlaydi.

Eslatib o‘tamiz, 16-noyabr kuni Ispaniya parlamenti ovoz berish natijalariga ko‘ra Sanchesni mamlakat bosh vaziri lavozimiga tasdiqlagan edi.