Испания янги ҳукумати қасамёд қабул қилди. Бу ҳақида RTVE телеканали маълум қилди.
Испания бош вазири Педро Санчес 12 нафар аёл ва 10 нафар эркакдан иборат 22 вазирдан иборат коалицион ҳукумат тузди. Бош вазир ўринбосарлари сифатида иқтисодиёт, савдо ва бизнес вазири Надия Калвино, меҳнат ва ижтимоий иқтисодиёт вазири Ёланда Диас ва атроф-муҳит ва демография вазири Тереза Родригес, молия ва фуқаролик хизмати вазири Мария Монтеро қўшилди.
Хосе Мануэл Альбарес Испания ташқи ишлар вазири, Фернандо Гранде-Марласка ички ишлар вазири, Маргарита Роблес эса мудофаа вазири сифатида қолди.
Бундан ташқари, Бош вазир департаменти, Адлия вазирлиги ва Парламент билан алоқалар вазирлиги функцияларини бирлаштирган “супер вазирлик” вужудга келди. Феликс Боланос “супер вазирлик” раҳбари бўлди.
Испания социалистик ишчилар партияси вакили Пилар Алегриа ҳукумат матбуот котиби этиб тайинланди. Шунингдек, у таълим, тайёрлаш ва спорт вазири лавозимида ҳам ишлайди.
Эслатиб ўтамиз, 16 ноябрь куни Испания парламенти овоз бериш натижаларига кўра Санчесни мамлакат бош вазири лавозимига тасдиқлаган эди.
Изоҳ (0)