Toshkent shahrining ikki tumani: Olmazor va Shayxontohur tumanlarida elektr taʼminoti vaqtincha to‘xtatiladi. Bu haqda “Hududiy elektr tarmoqlari” AJ Toshkent shahar filiali matbuot xizmati xabar berdi.
Maʼlum qilinishicha, ertaga, 17-noyabr kuni Toshkent shahrining Olmazor hamda Shayxontohur tumanlarining ayrim hududlarida elektr energiyasi soat 00:00 dan tonggi 06:00 ga qadar vaqtinchalik o‘chiriladi.
Toshkent shahrining Olmazor hamda Shayxontohur tumanlarining ayrim hududlarini elektr energiyasi bilan ta’minlovchi 110/35/10 kV bo‘lgan yuqori kuchlanishli “Forobiy” podstansiyasidagi mavjud 25 000 kVA bo‘lgan transformator quvvati 40 000 kVA bo‘lgan yuqori kuchlanishli yangi transformatorga almashtirish, elektr qurilmalarini o‘rnatish ishlari olib borilishi hamda ushbu ishlarni xavfsiz bajarish maqsadida quyidagi manzillarda elektr taʼminotida uzilishlar kuzatiladi:
- Olmazor tumanidagi — “Shifokorlar”, “Mirzo G‘olib”, “Universitet” hamda “Ziyokorlar” MFYlarida.
- Shayxontohur tumanidagi — “ Beltepa”, “Yangi Beltepa”, “Ibn Sino”, “Shodlik”, “Yangi Jarariq”, “Eski Jarariq”, “Katta Jarariq”, “Ipakchi” hamda “Huvaydo” MFYlarida.
“Hududiy elektr tarmoqlari” Toshkent shahar filiali mazkur taʼmirlash ishlari tufayli elektr energiyasi taʼminotidagi vaqtincha uzilishlar sababli isteʼmolchilardan uzr so‘radi.
Izoh (0)