Osmon jismlari va kosmik hodisalarni o‘rganish davomida astronomlar sayyoramizga xavf tug‘dirishi mumkin bo‘lgan yangi obyektlarni topmoqda. Yerga kamida beshta potensial xavfli asteroid yaqinlashmoqda. Bu haqda Daily Mail xabar berdi.
Ulardan birinchisi 2001 QQ142 deb nomlangan kosmik obyektdir. U Apollon sinfiga mansub, ya’ni Yerga yaqin asteroiddir. Ushbu toifadagi toshlar ko‘pincha Yerga tushadigan meteoritlarning manbalari hisoblanadi. Olimlar 2001 QQ142 asteroidining kengligi 347 metrdan 1,5 kilometrgacha ekani, bu uni potensial xavfli deb ko‘rsatishini ta’kidladi. U 23 900 km/soat tezlikda uchadi va 6-dekabr kuni Yerga 5,5 million kilometr masofada yaqinlashadi.
Ikkinchi asteroid 2008 EV5 bo‘lib, Atona sinfiga kiradi. Uning kengligi taxminan 400 metrni tashkil qiladi. U 19200 km/soat tezlikda uchadi va 20-dekabr kuni Yerga 6,3 million kilometr masofada yaqinlashadi.
Keyingisi 2019 CZ2 asteroidi. Uning o‘lchami 21 dan 94 metrgacha bo‘lishi taxmin qilingan. Kosmik obyekt 20 900 km/soat tezlikda uchadi va 25-noyabrda Yerdan 1,1 million kilometr uzoqlikda bo‘ladi.
Yana bir kichik kosmik tosh 2020 YO3 diametri 31 dan 70 metrgacha bo‘ladi. U 23-dekabr kuni Yerdan 1,3 million kilometr masofada 59 800 km/soat tezlikda o‘tadi.
Beshinchi potensial xavfli asteroid 2013 VX4. O‘lchami 44 dan 99 m gacha bo'lgan Apollon bo'lib, uning parvoz tezligi 23 600 km/soatni tashkil etadi va 4-dekabrda Yerga 1,9 million km masofada yaqinlashadi.
Asteroidlardan tashqari, yil oxirida Yerga 144P/Kushida nomli kometa ham yaqinlashmoqda. U 12-dekabrda Yerga eng yaqin, bir oydan so‘ng, 2024-yil 25-yanvarda esa Quyoshga eng yaqin nuqtaga yetib boradi.
Kometa 2024-yilgacha maksimal yorqinligiga erisha olmasa-da, har ikki yarim shardagi astronomlar 2023-yil oxiriga kelib uni durbin va teleskoplar yordamida ko‘rishi mumkin bo‘ladi. Kometa Yer tomon taxminan 105 000 km/soat tezlikda harakatlanmoqda.
Izoh (0)