Осмон жисмлари ва космик ҳодисаларни ўрганиш давомида астрономлар сайёрамизга хавф туғдириши мумкин бўлган янги объектларни топмоқда. Ерга камида бешта потенциал хавфли астероид яқинлашмоқда. Бу ҳақда Daily Mail хабар берди.
Улардан биринчиси 2001 QQ142 деб номланган космик объектдир. У Аполлон синфига мансуб, яъни Ерга яқин астероиддир. Ушбу тоифадаги тошлар кўпинча Ерга тушадиган метеоритларнинг манбалари ҳисобланади. Олимлар 2001 QQ142 астероидининг кенглиги 347 метрдан 1,5 километргача экани, бу уни потенциал хавфли деб кўрсатишини таъкидлади. У 23 900 км/соат тезликда учади ва 6 декабрь куни Ерга 5,5 миллион километр масофада яқинлашади.
Иккинчи астероид 2008 EV5 бўлиб, Атона синфига киради. Унинг кенглиги тахминан 400 метрни ташкил қилади. У 19200 км/соат тезликда учади ва 20 декабрь куни Ерга 6,3 миллион километр масофада яқинлашади.
Кейингиси 2019 CZ2 астероиди. Унинг ўлчами 21 дан 94 метргача бўлиши тахмин қилинган. Космик объект 20 900 км/соат тезликда учади ва 25 ноябрда Ердан 1,1 миллион километр узоқликда бўлади.
Яна бир кичик космик тош 2020 YO3 диаметри 31 дан 70 метргача бўлади. У 23 декабрь куни Ердан 1,3 миллион километр масофада 59 800 км/соат тезликда ўтади.
Бешинчи потенциал хавфли астероид 2013 VX4. Ўлчами 44 дан 99 м гача бўлган Apolloн бўлиб, унинг парвоз тезлиги 23 600 км/соатни ташкил этади ва 4 декабрда Ерга 1,9 миллион км масофада яқинлашади.
Астероидлардан ташқари, йил охирида Ерга 144P/Кушида номли комета ҳам яқинлашмоқда. У 12 декабрда Ерга энг яқин, бир ойдан сўнг, 2024 йил 25 январда эса Қуёшга энг яқин нуқтага етиб боради.
Комета 2024 йилгача максимал ёрқинлигига эриша олмаса-да, ҳар икки ярим шардаги астрономлар 2023 йил охирига келиб уни дурбин ва телескоплар ёрдамида кўриши мумкин бўлади. Комета Ер томон тахминан 105 000 км/соат тезликда ҳаракатланмоқда.
Изоҳ (0)