Myanma prezidenti vazifasini bajaruvchi Mint Shve mamlakat parchalanishi mumkinligini aytdi. Bu haqda Deccan Herald xabar berdi.
Myanma rasmiylariga ko‘ra, agar hukumat Xitoy bilan chegara yaqinidagi hukumatga qarshi kuchlar koalitsiyasining olg‘a siljishini qaytarishga qodir bo‘lmasa, mamlakat qulashi mumkin.
“Agar hukumat chegara hududlardagi voqealar bilan samarali kurasha olmasa, mamlakat bo‘linib ketishi mumkin”, — deydi Mint Shve.
OAVning eslatishicha, Xitoy bilan chegaradosh Shan shtatida deyarli ikki haftadan beri janglar kechmoqda. Hujumni Arakan armiyasi, Taang milliy ozodlik armiyasi va Myanma milliy demokratik alyansi armiyasi amalga oshirmoqda. Ularning vakillari qurolli guruhlar Myanma armiyasining o‘nlab postlarini egallab olgani, Myanma va Xitoy o‘rtasidagi asosiy savdo yo‘llarini uzib tashlaganini aytgan.
O‘tgan hafta oxirida Xitoy Tashqi ishlar vaziri Nun Jun Myanma poytaxti Neypidoga tashrif buyurdi. Shundan so‘ng Xitoy tashqi ishlar vazirligi bayonot chiqarib, Myanma rasmiylarini ikki davlat chegarasida xavfsizlikni kuchaytirish uchun hamkorlik qilishga chaqirdi.
Xitoy TIV Myanmadagi mojaroda qatnashayotgan tomonlarni urushni to‘xtatishga va Xitoy bilan chegaradosh hududlar aholisi, shuningdek, Myanmadagi xitoylik xodimlar xavfsizligiga xavf solmaslikka chaqirdi.
Izoh (0)