Myanma sudi mahalliy mustaqil internet nashri bo‘lgan Myanmar Now fotomuxbirini “Mokko” tropik sikloni oqibatlarini yoritgani uchun 20 yillik qamoqga hukm qildi.
40 yoshli Sai Zau Taik qo‘poruvchilik faoliyati, yolg‘on ma’lumot tarqatish, internetda tuhmat qiluvchi ma’lumotlarni tarqatish, hukumat va armiyaga qarshi norozilik namoyishlariga chaqirish va boshqa jinoyatlarda ayblangan.
Myanmar Now ma’lumotlariga ko‘ra, hibsga olingan paytda Sai Zau Taik “Mokko” tropik siklonidan qattiq jabrlangan g‘arbiy Rakxayn shtatida bo‘lgan.
Shtatda kamida 148 kishi tabiiy ofatdan jabrlandi, 186 mingdan ortiq bino va inshootlar zarar ko‘rdi. Muxbir ish jarayonida hibsga olingan. Unga yaqinlari bilan uchrashishga ruxsat berilmadi, jo‘natmalar taqiqlandi.
Shuningdek, hibsga olingan muxbirga advokat xizmatidan foydalanishga ruxsat berilmagan, sud majlislari va boshqa zarur huquqiy jarayonlar o‘tkazilmagan, u ilgari surilgan, biroq aniq ro‘yxati oshkor etilmagan barcha bandlar bo‘yicha aybdor deb topilgan.
Izoh (0)