Checheniston rahbari Ramzan Qodirov bolalari chechen tilini bilmaydigan amaldorlarni ishdan bo‘shatish bilan tahdid qildi. Bu haqda “RIA Novosti” xabar berdi.
Ramzan Qodirov 7-noyabr kuni bo‘lib o‘tgan chechen tilini bilish bo‘yicha tanlovning final bosqichida shunday bayonot bergan.
“Chechen tilini ommalashtirish bo‘yicha ko‘p ishlarni amalga oshirmoqdamiz. Ammo jamoam vakillarining bolalari ko‘pincha chechen tilini bilishmaydi. Bunday amaldorlarni jamoadan bo‘shatishni boshlayman”.
Qodirovning so‘zlariga ko‘ra, birinchi navbatda ota-onalar farzandlariga ona tilini o‘rgatishi kerak.
“Biroq bog‘cha va maktablarda rus tilidan dars beriladi, ota-onalar esa buni ko‘pincha rag‘batlantiradi. Bolalar hatto rus tilida o‘ylay boshlamoqda”, — dedi Checheniston rahbari.
U chechen tilida gapirmaydigan va o‘ylamaydigan avlodning kelajagi yo‘qligini ta’kidladi.
Izoh (0)