Чеченистон раҳбари Рамзан Қодиров болалари чечен тилини билмайдиган амалдорларни ишдан бўшатиш билан таҳдид қилди. Бу ҳақда “РИА Новости” хабар берди.
Рамзан Қодиров 7 ноябрь куни бўлиб ўтган чечен тилини билиш бўйича танловнинг финал босқичида шундай баёнот берган.
“Чечен тилини оммалаштириш бўйича кўп ишларни амалга оширмоқдамиз. Аммо жамоам вакилларининг болалари кўпинча чечен тилини билишмайди. Бундай амалдорларни жамоадан бўшатишни бошлайман”.
Қодировнинг сўзларига кўра, биринчи навбатда ота-оналар фарзандларига она тилини ўргатиши керак.
“Бироқ боғча ва мактабларда рус тилидан дарс берилади, ота-оналар эса буни кўпинча рағбатлантиради. Болалар ҳатто рус тилида ўйлай бошламоқда”, — деди Чеченистон раҳбари.
У чечен тилида гапирмайдиган ва ўйламайдиган авлоднинг келажаги йўқлигини таъкидлади.
Изоҳ (0)