2023-yil 31-oktyabr kuni Intercontinental mehmonxonasida GROSS sug‘urta kompaniyasi va Toshkent shahar IIBB YHXB o‘rtasida “Xavfsiz Harakat” ijtimoiy loyihasiga bag‘ishlangan hamkorlik memorandumni imzolash marosimi bo‘lib o‘tdi.
Har birimiz yo‘l harakati ishtirokchisi hisoblanamiz va hayotimizni transport vositalarisiz tasavvur qila olmaymiz. Shu sababli yo‘l harakati xavfsizligi juda katta ahamiyatga ega. To‘g‘ri, avtotransport vositalari odamlarni manzililga tezda yetkazish va yuklarni tashish muammosini hal qiladi, lekin ayni paytda ular ortiqcha xavf manbai hisoblanadi. Har yili dunyo bo‘ylab turli yoshdagi ko‘p sonli insonlar halok bo‘lmoqda va jarohatlanmoqda. Jumladan, O‘zbekistonda 2023-yilning 9 oyi davomida Toshkent shahrida 914 ta yo‘l-transport hodisasi qayd etilgan. Bunday hodisalarning aksariyati yo‘l harakati qoidalariga rioya qilmaslik bilan bog‘liq.
Aynan shu sababli, GROSS sug‘urta kompaniyasi Toshkent shahar IIBB YHXB bilan hamkorlikda “Xavfsiz Harakat” ijtimoiy loyihasini amalga oshirmoqda. Ushbu dasturning asosiy maqsadi haydovchilarning diqqat-e’tibori va xabardorligini oshirish, svetofor signallariga hamda tezlik me’yoriga rioya qilisni targ‘ib qilish, va buning natijasida, poytaxt yo‘llarida yo‘l-transport hodisalari sonini kamaytirishdan iborat. Loyiha IIBB YHXB tomonidan yo‘llardagi holatni yaxshilash uchun amalga oshirilayotgan chora-tadbirlardan biri bo‘lib hisoblanadi.
“Xavfsiz Harakat” – yo‘l harakati xavfsizligini taʼminlashga qaratilgan keng ko‘lamli ijtimoiy loyiha hisoblanadi. Loyiha doirasida xavfsiz piyodalar o‘tish joylarini tashkil etish, haydovchilarning svetofor va belgilangan tezlik meʼyorlariga rioya etishi, transport vositalari yo‘lovchilarining xavfsizligini ta’minlash kabi yo‘l harakati muammolariga eʼtiborni jalb qilishga qaratilgan qator tadbirlar o’tkaziladi.
Yo‘l harakati qatnashchilarining xavfsizligini ta’minlash maqsadida hozirgi vaqtning o‘zida keng ko‘lamli axborot kampaniyasi yo‘lga qo‘yilgan. Aholi va avtomobillar gavjum bo‘lgan manzillarda joylashgan LED erkranlarda ko‘p hollarda haydovchilarning e’tibordan chetda qoladigan va yo‘llarda jiddiy baxtsiz hodisalarga olib kelishi mumkin bo‘lgan muhim qoida va yo‘l belgilariga e’tibor qaratish maqsadida ijtimoiy roliklar joylashtirilmoqda.
.jpg)
Tashkilotchilarining ta’kidlashicha, loyiha hamkorlari ham ushbu tashabbusni qo‘llab quvvatlashga e’tibor qaratmoqda. Jumladan, “Uzum market” kompaniyasi tomonidan piyodalar uchun maxsus sumkalar – shoperlar ishlab chiqilmoqda. Ushbu shoperlar qorong‘i paytda piyodalarning aniqroq ko‘rinishini oshirish uchun yorug‘lik qaytaruvchi elementlar va maxsus belgilar bilan jihozlangan.
“Xavfsiz Harakat” ijtimoiy loyihasi faqatgina axborot kampaniyalari va yo‘llarda xavfsiz sharoit yaratish bilan cheklanib qolmaydi. GROSS sug‘urta kompaniyasining tashabbusi san’at va musiqa sohasini ham qamrab oladi. Jumladan, yo‘l harakati xavfsizligi masalalariga e’tibor qaratish maqsadida “Sahar” guruhi yetakchisi Anvar Jo‘rayev va reper Konsta ijrosidagi “Yashagim kelar” qo‘shig‘i loyiha uchun maxsus yaratildi. Mazkur qo‘shiq uchun klip ham ishlab chiqilmoqda va u tez orada omma e’tiboriga havola etiladi.
Haydovchilik madaniyatini yuksaltirish “Xavfsiz Harakat” ijtimoiy loyihasining asosiy yo‘nalishlaridan biri hisoblanadi. Shu sababli, loyiha doirasida yo‘l harakati qoidalariga to‘liq rioya qiladigan vijdonli haydovchilarni rag‘batlantirishga alohida e’tibor qaratilmoqda. Yil davomida yo‘l harakati qoidalarini buzmagan yoki baxtsiz hodisalarga sabab bo‘lmagan haydovchilarga minnatdorchilik maktublari yuboriladi, shuningdek ular ixtiyoriy sug‘urta polisini sezilarli darajada chegirma bilan xarid qilish imkonyatiga ega bo‘lishadi. Loyiha tashkilotchilarining ta’kidlashicha ushbu tashabbus haydovchilarni yanada mas’uliyatli bo‘lishga va qoidalarga rioya qilishga undaydi va yo‘l harakati xavfsizligini ta’minlashga hissa qo‘shadi.
“Mana 12 yildirki, har kuni yo‘l-transport hodisalarining oqibatlari bilan to‘qnash kelamiz. Biz sug‘urta shartnomalari shartlari bo‘yicha o‘z majburiyatlarimizni vijdonan bajaramiz, avtomobil egalariga baxtsiz hodisa natijasida yuzaga kelgan moddiy yo‘qotishlarni qoplashda yordam beramiz. Ammo, ko‘pincha, avtohalokatlar nafaqat moddiy zarar, balki kishilarning o‘limiga ham olib kelishini eʼtiborga olmay qo‘yolmaymiz. Shuning uchun, GROSS sug‘urta kompaniyasi moddiy yo‘qotishlarni qoplashdan ham uzoqroqni ko‘zlashga, yo‘llarda sodir bo‘layotgan o‘lim holatlarini kamaytirish uchun hissa qo‘shishga qaror qilgan”, – deydi “GROSS sug‘urta kompaniyasi” AJ boshqaruvi raisi Otabek Hasanovich Nazarov.
Toshkent shahar IIBB Yo‘l harakati xavfsizligi boshqarmasi boshlig‘i, polkovnik Jalilov Rafiqjon Qo‘ldoshevich shunday deydi: “GROSS sug‘urta kompaniyasining “Xavsiz Harakat” qo‘shma ijtimoiy loyihasi bo‘yicha tashabbusini qo‘llab-quvvatlaymiz, chunki tahlillar shuni ko‘rsatdiki, baxtsiz hodisalarning ko‘pchiligi yo‘l harakati qoidalariga rioya qilmaslikdan kelib chiqadi. Hamkorlik haydovchilarning mas’uliyatini oshiradi, bilimini mustahkamlaydi va pirovardida, biz ko‘rayotgan boshqa chora-tadbirlar qatorida, yo‘l-transport hodisalari sonini kamaytiradi”.
.jpg)
Ijtimoiy tashabbusni yoritishda faol ishtirok etayotgan axborot hamkorlari – My5, BizTV, Renessans telekanallari, “Platina.uz” sayti, Toshkent shahar IIBB multimedia markazi, Yoshlar ishlari agentlining yordami “Xavfsiz Harakat” ijtimoiy loyihasini rivojlantirishning asosiy omillaridan biri hisoblanadi.
Ochiq memorandum - bu yo‘l harakati bilan bog‘liq muammolarni hal qilishga hissa qo‘shmoqchi bo‘lgan har bir kompaniya uchun eksklyuziv taklif hisoblanadi. Turli kompaniyalarning birgalikdagi sa’y-harakatlari va faol hamkorligi loyihaning o‘z oldiga qo‘ygan maqsadlariga erishishga yordam beradi. Zero, yo‘llardagi vaziyatni yaxshilash, xavfsizlikni oshirish har birimizning e’tiborimizni va ishtirokimizni talab qiladigan vazifadir.
Loyihaning bosqichlari bilan tanishish uchun www.xavfsiz-harakat.uz veb-sayti, Instagram, Facebook ijtimoiy tarmoqlari, Telegram messenjerida maxsus sahifalar kabi axborot platformalari yaratildi. Bu manbalarda loyiha haqidagi barcha so‘nggi maʼlumotlarni olishingiz, shuningdek, yo‘l harakati qoidalari bo‘yicha bilimingizni sinovdan o‘tkizishingiz, yo‘l-transport hodisalarida jabrlangan insonlarning hikoyalari bilan tanishishingiz, shahar yo‘llaridagi dolzarb muammolar yuzasidan so‘nggi yangiliklar va ular qanday hal qilinayotganligi haqida bilib borishingiz mumkin.
GROSS O‘zbekiston sug‘urta bozoridagi yetakchi kompaniyalardan biri hisoblanadi. Kompaniya mahsulotlari barcha xalqaro talablar va standartlarga javob beradi. Bugungi kunda kompaniya respublika bo‘ylab faoliyat yuritib, mijozlarga turli sohalarda 110 dan ortiq turdagi sug‘urta mahsulotlarini taqdim etmoqda.
Kompaniyaning Mijozlarni qo‘llab-quvvatlash markaziga 24 soat davomida 1166 va +99871 2070011 raqamlari orqali murojaat qilish mumkin.
Reklama huquqi asosida.
Izoh (0)