2023 йил 31 октябрь куни Intercontinental меҳмонхонасида GROSS суғурта компанияси ва Тошкент шаҳар ИИББ ЙҲХБ ўртасида “Хавфсиз Ҳаракат” ижтимоий лойиҳасига бағишланган ҳамкорлик меморандумни имзолаш маросими бўлиб ўтди.
Ҳар биримиз йўл ҳаракати иштирокчиси ҳисобланамиз ва ҳаётимизни транспорт воситаларисиз тасаввур қила олмаймиз. Шу сабабли йўл ҳаракати хавфсизлиги жуда катта аҳамиятга эга. Тўғри, автотранспорт воситалари одамларни манзилилга тезда етказиш ва юкларни ташиш муаммосини ҳал қилади, лекин айни пайтда улар ортиқча хавф манбаи ҳисобланади. Ҳар йили дунё бўйлаб турли ёшдаги кўп сонли инсонлар ҳалок бўлмоқда ва жароҳатланмоқда. Жумладан, Ўзбекистонда 2023 йилнинг 9 ойи давомида Тошкент шаҳрида 914 та йўл-транспорт ҳодисаси қайд этилган. Бундай ҳодисаларнинг аксарияти йўл ҳаракати қоидаларига риоя қилмаслик билан боғлиқ.
Айнан шу сабабли, GROSS суғурта компанияси Тошкент шаҳар ИИББ ЙҲХБ билан ҳамкорликда “Хавфсиз Ҳаракат” ижтимоий лойиҳасини амалга оширмоқда. Ушбу дастурнинг асосий мақсади ҳайдовчиларнинг диққат-эътибори ва хабардорлигини ошириш, светофор сигналларига ҳамда тезлик меъёрига риоя қилисни тарғиб қилиш, ва бунинг натижасида, пойтахт йўлларида йўл-транспорт ҳодисалари сонини камайтиришдан иборат. Лойиҳа ИИББ ЙҲХБ томонидан йўллардаги ҳолатни яхшилаш учун амалга оширилаётган чора-тадбирлардан бири бўлиб ҳисобланади.
“Хавфсиз Ҳаракат” – йўл ҳаракати хавфсизлигини таъминлашга қаратилган кенг кўламли ижтимоий лойиҳа ҳисобланади. Лойиҳа доирасида хавфсиз пиёдалар ўтиш жойларини ташкил этиш, ҳайдовчиларнинг светофор ва белгиланган тезлик меъёрларига риоя этиши, транспорт воситалари йўловчиларининг хавфсизлигини таъминлаш каби йўл ҳаракати муаммоларига эътиборни жалб қилишга қаратилган қатор тадбирлар ўтказилади.
Йўл ҳаракати қатнашчиларининг хавфсизлигини таъминлаш мақсадида ҳозирги вақтнинг ўзида кенг кўламли ахборот кампанияси йўлга қўйилган. Аҳоли ва автомобиллар гавжум бўлган манзилларда жойлашган LED эркранларда кўп ҳолларда ҳайдовчиларнинг эътибордан четда қоладиган ва йўлларда жиддий бахтсиз ҳодисаларга олиб келиши мумкин бўлган муҳим қоида ва йўл белгиларига эътибор қаратиш мақсадида ижтимоий роликлар жойлаштирилмоқда.
.jpg)
Ташкилотчиларининг таъкидлашича, лойиҳа ҳамкорлари ҳам ушбу ташаббусни қўллаб қувватлашга эътибор қаратмоқда. Жумладан, “Узум маркет” компанияси томонидан пиёдалар учун махсус сумкалар – шоперлар ишлаб чиқилмоқда. Ушбу шоперлар қоронғи пайтда пиёдаларнинг аниқроқ кўринишини ошириш учун ёруғлик қайтарувчи элементлар ва махсус белгилар билан жиҳозланган.
“Хавфсиз Ҳаракат” ижтимоий лойиҳаси фақатгина ахборот кампаниялари ва йўлларда хавфсиз шароит яратиш билан чекланиб қолмайди. GROSS суғурта компаниясининг ташаббуси санъат ва мусиқа соҳасини ҳам қамраб олади. Жумладан, йўл ҳаракати хавфсизлиги масалаларига эътибор қаратиш мақсадида “Саҳар” гуруҳи етакчиси Анвар Жўраев ва рэпер Конста ижросидаги “Яшагим келар” қўшиғи лойиҳа учун махсус яратилди. Мазкур қўшиқ учун клип ҳам ишлаб чиқилмоқда ва у тез орада омма эътиборига ҳавола этилади.
Ҳайдовчилик маданиятини юксалтириш “Хавфсиз Ҳаракат” ижтимоий лойиҳасининг асосий йўналишларидан бири ҳисобланади. Шу сабабли, лойиҳа доирасида йўл ҳаракати қоидаларига тўлиқ риоя қиладиган виждонли ҳайдовчиларни рағбатлантиришга алоҳида эътибор қаратилмоқда. Йил давомида йўл ҳаракати қоидаларини бузмаган ёки бахтсиз ҳодисаларга сабаб бўлмаган ҳайдовчиларга миннатдорчилик мактублари юборилади, шунингдек улар ихтиёрий суғурта полисини сезиларли даражада чегирма билан харид қилиш имконятига эга бўлишади. Лойиҳа ташкилотчиларининг таъкидлашича ушбу ташаббус ҳайдовчиларни янада масъулиятли бўлишга ва қоидаларга риоя қилишга ундайди ва йўл ҳаракати хавфсизлигини таъминлашга ҳисса қўшади.
“Мана 12 йилдирки, ҳар куни йўл-транспорт ҳодисаларининг оқибатлари билан тўқнаш келамиз. Биз суғурта шартномалари шартлари бўйича ўз мажбуриятларимизни виждонан бажарамиз, автомобиль эгаларига бахтсиз ҳодиса натижасида юзага келган моддий йўқотишларни қоплашда ёрдам берамиз. Аммо, кўпинча, автоҳалокатлар нафақат моддий зарар, балки кишиларнинг ўлимига ҳам олиб келишини эътиборга олмай қўёлмаймиз. Шунинг учун, GROSS суғурта компанияси моддий йўқотишларни қоплашдан ҳам узоқроқни кўзлашга, йўлларда содир бўлаётган ўлим ҳолатларини камайтириш учун ҳисса қўшишга қарор қилган”, – дейди “GROSS суғурта компанияси” АЖ бошқаруви раиси Отабек Ҳасанович Назаров.
Тошкент шаҳар ИИББ Йўл ҳаракати хавфсизлиги бошқармаси бошлиғи, полковник Жалилов Рафиқжон Қўлдошевич шундай дейди: “GROSS суғурта компаниясининг “Хавсиз Ҳаракат” қўшма ижтимоий лойиҳаси бўйича ташаббусини қўллаб-қувватлаймиз, чунки таҳлиллар шуни кўрсатдики, бахтсиз ҳодисаларнинг кўпчилиги йўл ҳаракати қоидаларига риоя қилмасликдан келиб чиқади. Ҳамкорлик ҳайдовчиларнинг масъулиятини оширади, билимини мустаҳкамлайди ва пировардида, биз кўраётган бошқа чора-тадбирлар қаторида, йўл-транспорт ҳодисалари сонини камайтиради”.
.jpg)
Ижтимоий ташаббусни ёритишда фаол иштирок этаётган ахборот ҳамкорлари – Мy5, BizTV, Ренессанс телеканаллари, “Planeta.uz” сайти, Тошкент шаҳар ИИББ мультимедиа маркази, Ёшлар ишлари агентлининг ёрдами “Хавфсиз Ҳаракат” ижтимоий лойиҳасини ривожлантиришнинг асосий омилларидан бири ҳисобланади.
Очиқ меморандум - бу йўл ҳаракати билан боғлиқ муаммоларни ҳал қилишга ҳисса қўшмоқчи бўлган ҳар бир компания учун эксклюзив таклиф ҳисобланади. Турли компанияларнинг биргаликдаги саъй-ҳаракатлари ва фаол ҳамкорлиги лойиҳанинг ўз олдига қўйган мақсадларига эришишга ёрдам беради. Зеро, йўллардаги вазиятни яхшилаш, хавфсизликни ошириш ҳар биримизнинг эътиборимизни ва иштирокимизни талаб қиладиган вазифадир.
Лойиҳанинг босқичлари билан танишиш учун www.xavfsiz-harakat.uz веб-сайти, Instagram, Facebook ижтимоий тармоқлари, Telegram мессенжерида махсус саҳифалар каби ахборот платформалари яратилди. Бу манбаларда лойиҳа ҳақидаги барча сўнгги маълумотларни олишингиз, шунингдек, йўл ҳаракати қоидалари бўйича билимингизни синовдан ўткизишингиз, йўл-транспорт ҳодисаларида жабрланган инсонларнинг ҳикоялари билан танишишингиз, шаҳар йўлларидаги долзарб муаммолар юзасидан сўнгги янгиликлар ва улар қандай ҳал қилинаётганлиги ҳақида билиб боришингиз мумкин.
GROSS Ўзбекистон суғурта бозоридаги етакчи компаниялардан бири ҳисобланади. Компания маҳсулотлари барча халқаро талаблар ва стандартларга жавоб беради. Бугунги кунда компания республика бўйлаб фаолият юритиб, мижозларга турли соҳаларда 110 дан ортиқ турдаги суғурта маҳсулотларини тақдим этмоқда.
Компаниянинг Мижозларни қўллаб-қувватлаш марказига 24 соат давомида 1166 ва +99871 2070011 рақамлари орқали мурожаат қилиш мумкин.
Реклама ҳуқуқи асосида.
Изоҳ (0)